ბადრიჯანი გარეცხეთ და დაჭერით რგოლებად. პომიდორს გააცალეთ კანი და დაჭერით მრგვალ სქელ ნაჭრებად. ხახვი დაჭერით ალყა-ალყა. ნიორი, წიწაკა და მწვანილები დაჭერით წვრილად.
პირველ რიგში, შეწვით ბადრიჯანი ზეთიან ტაფაზე და მომზადებისთანავე გადაიტანეთ ის ცალკე ჭურჭელზე.
იმავე ტაფაში მოშუშეთ ხახვი, პომიდორი და ასევე გადაიტანეთ ცალკე ჭურჭელზე.
შემდეგ, მოათავსეთ ტაფაზე ფენა ბადრიჯანი, მოაყარეთ დაჭრილი ნიორი, მწვანილები, წიწაკა, მოშუშული პომიდორი და ხახვი. შემდეგი ფენები დაალაგეთ იმავე თანმიმდევრობით.
თავდახურული ტაფა მოათავსეთ საშუალო ცეცხლზე და ამზადეთ 5- 6 წუთის განმავლლობაში.
ბადრიჯანი პომიდვრით მოათავსეთ თეფშზე და მოაყარეთ ზევიდან ცოტაოდენი დაჭრილი ხახვი, მწვანილები და წიწაკა.
მოცემული კერძი შეგიძლიათ მიირთვათ თბილ ან ცივ მდგომარეობაში.