კომპიუტერი და ინტერნეტი

ლეპტოპები

როგორ გავაგრილოთ გადახურებული ნოუთბუქი

როგორ გავაგრილოთ გადახურებული ნოუთბუქი

ავტორი: საბა მდივნიშვილი

გადახურებული კომპიუტერი - ცუდი კომპიუტერია. გადამეტებულმა ტემპერატურამ შეიძლება გამოიწვიოს მუშაობის პროცესის შეფერხება და მოწყობილობის დაზიანებაც კი. თუმცა საერთო ჯამში ნოუთბუქები ნაკლებ სითბოს გამოყოფენ, ვიდრე პერსონალური კომპიუტერები, მაგრამ მათ საკუთარი უნიკალური პრობლემები გააჩნიათ.

 

საჭირო მასალები/ხელსაწყოები:

  • შეკუმშული ჰაერით სავსე ქილა

საფეხურები

  1. 1 ნოუთბუქის გრილ მდგომარეობაში შენარჩუნება დამოკიდებულია ვენტილაციის სისტემაზე. თუ ცხელი ჰაერის ნაკადს არ ექნება გარეთ გამოსვლის საშუალება, მაშინ კომპიუტერს პრობლემები შეექმნება.

    ყოველ ჯერზე, როცა ნოუთბუქს ხელში აიღებთ, დარწმუნდით, რომ თქვენ არ ფარავთ სავენტილაციო ხვრელებს, რომლებიც, ყველაზე ხშირად, ნოუთბუქის გვერდებზე მდებარეობს.არ დადოთ კომპიუტერი ბალიშზე ან რბილ ლეიბზე. არასდროს ჩადოთ მუშა მდგომარეობაში მყოფი კომპიუტერი ჩანთაში.

    თქვენ იშვიათად შეძლებთ გამაგრილებელი ხვრელის მოძებნას ლეპტოპის ქვედა ნაწილზე, თუმცა სითბოს გააჩნია ზუსტად იმ ადგილზე დაგროვების ტენდენცია. ამასთან, თუ თქვენ ხშირად შეამჩნევთ, რომ თქვენი ნოუთბუქის ძირი ხურდება, დაფიქრდით გამაგრილებელი დასადგამის შეძენაზე.
  2. 2 ნოუთბუქის დაბინძურება, მასში მტვრის დაგროვება ასევე ხელს უწყობს მის გადახურებას.

    ნოუთბუქის მტვრისაგან გასაწმენდად სასურველია გამოიყენოთ დაპრესილი ჰაერით სავსე ქილა (შეგიძლიათშეიძინოთ ნებისმიერ კომპიუტერულ მაღაზიაში), რომლის დახმარებითაც შეძლებთ ლეპტოპის გაუხსნელად, სავენტილაციო ხვრელიდან მაღალი წნევის საშუალებით მტვრისაგან გაწმენდას. ასეთი მეთოდით თქვენ გამოდევნით ხვრელის მიდამოებში არსებულ მტვერს, რითაც ხელს შეუწყობთ გამაგრილებელი სისტემის უკეთ მუშაობას.

    გამორთეთ კომპიუტერი და გადმოაბვრუნეთ იგი. სახრახნისის საშუალებით მოუშვით მისი დამჭერი ჭანჭიკები. მოხსენით ქვედა თავსაფარი და მოაშორეთ მასზე არსებული მტვერი შეკუმშული ჰაერის საშუალებით. შეარჩიეთ ნოუთბუქები ინტერნეტ მაღაზიაში Be.ge

გაფრთხილებები

  • სამწუხაროდ, კომპიუტერის დაბინძურებასთან დაკავშირებული რეალური პრობლემები, გამოწვეულია მტვრის ბევრად უფრო რთულად მისაწვდომ ადგილებში. თუ თქვენ დარწმუნებული ხართ, რომ თავს გაართმევთ თავს ნოუთბუქის წარმატებით დაშლას და აწყობას, მაშინ შეუდექით საქმეს, თუ არა - დახმარებისათვის მიმართეთ პროფესიონალს.